注册 登录  
 加关注
查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

我愛廣州!我愛80年代!

WeChat:kawei-low

 
 
 

日志

 
 

[轉]跪著的包容——淺談老包  

2012-03-06 20:15:40|  分类: 拯救“Canton”, |  标签: |举报 |字号 订阅

  下载LOFTER 我的照片书  |

早幾日,本人見微博上出現一則博文,講到天河區萬歲壽司店。話說發帖人光顧此店,開口以粵語叫服務員,誰知服務員叫發帖人用普通話,然後發帖人講咗句“哩度系广州。”如是者雙方再一次重申各自立場,然之後此服務員竟掉頭離去!(詳情見:http://weibo.com/1726335233/y7UW5Cjr7)

其實此事例,道理非常簡單,係服務員嘅責任。

首先,作為廣東人嘅服務員,以現今廣東嘅普通話普及率,我就唔相信有唔識普通話嘅廣東後生,更加唔好講係服務員;即係話,如果外省人唔識本地話,佢於職業技能(語言)呢一項就擺明低過本省人。

一個原本“一字咁淺”嘅道理,何以本人還會想寫下文,仲要將此文冠名為“跪著的包容”?原因就係原博文上那些所謂“廣州人”的留言。

本人嘗試將這些“論點”歸為以下兩點:

換位思考論:

“难道你叫外来工一定要讲粤语,你在外地工作人家当地要你讲当地方言还不是一样道理”

“赞同。换个角度谂谂,你去外国读书都唔係即刻外语滚瓜烂熟啦!需要时间,粤语博大精深唔係话学就学到!而作为广州人!仲要“街坊情”唔可以俾外人感觉广州人係咁无理咁小家!俾时间人地,去宽恕人地!你点知人地冇学得好艰辛?”

本人的觀點:

第一、去外國讀書唔能夠即刻掌握外語,但人哋有冇可能請一個唔識當地語嘅人做工?更加唔好講服務業;

第二、作為服務業識得當地語言係天經地義嘅事,就算你唔同國際接軌,講咩“中國國情”,都請你哋同多啲唔同省份嘅人交流下,需知道,中國有好多省份,特別是內陸省份,由於外來人比例低,人口流動僅限於省內,因此好多本地人平時并唔習慣講普通話,霎時間要講亦都未必講得正;

第三、講到尾,要求服務員識本地語言係合理訴求,係同國際接軌嘅表現,亦都係由身邊嘅小事做起,保育本地語言,人哋唔重視係人哋嘅事,但係批評嗰啲對服務語言有合理訴求嘅人係“小家”,甚至係“野蠻”“排外”就係典型嘅“懶包容”或者係“跪喺度講包容”。

包容論:

“广州本来就号称不会粤语也能融入的城市好吧= =对方不会粤语却强调这里是广州,能解决问题么。外国人在中国也不一定会普通话,会英语能走遍天下,为什么会普通话却不能走遍中国。我不觉得广州连包容普通话的肚量都没有吧”

“我有很多外地同事,他们觉得广州比其他大城市都好的一点,就是不排外,在广州不懂粤语也不会被歧视。粤语文化当然要弘扬,但应该是针对本地人吧?一味要求外地人同化是不是太野蛮了?要知道他们不是广州人,当然就没有本地人的那种感情,强行感情买卖就是保护广州文化?可笑”

本人的觀點:

第一、唔識粵語可唔可以叫做融入到粵語地區?如果唔識粵語喺廣州都可以融入得好好,噉你係想講廣州唔係粵語地區定抑話係融入一個地區喺唔使識得當地語言?如果連當地語言啲咁基本嘅嘢都唔識就叫做融入,噉就真係打破咗普世對於文化認同嘅認識喇;

第二、職業技能、服務態度嘅問題就以食肆嘅投訴機制嚟解決,去包容服務員嘅職業技能跟唔上,包容服務員嘅服務態度差簡直就係笑話,你選擇噉惗係你嘅事,但你去批評啲有合理訴求嘅人就係不合理;

第三、就算聯系到而家廣州嘅實際情況,廣州嘅服務員外省人比例確實偏高,但係唔識聽粵語就掉頭走咗去都係服務態度惡劣嘅表現,而家發帖人並冇去投訴,就算發微薄都冇公開該服務員嘅姓名、工號,何以卻被冠以“排外”甚至係“野蠻”之名?

第四、凡係呢啲懶包容嘅人都有一個通病,就係將廣州人同外地人完全割裂開。試惗下,一個非廣州市嘅廣東人、廣府人,甚至係廣西人,佢哋嘅母語本身就係粵語,佢哋係咪外地人?嗰啲口口聲聲喺度講包容嘅人有冇包容過佢哋?如果連廣州人去消費主動用粵語都視為“排外”“野蠻”,大家惗下會有乜後果?就係令到好多母語係粵語嘅外地人都習慣咗講普通話,或者係因為自己少少嘅口音而唔敢講粵語,而家嘅台北市就係呢種情況,就算民主化咗咁多年,喺台北長大嘅本省人都係唔識講本省話嘅居多,呢啲就係語言氛圍嘅影響;

第五、就算唔係講服務業,弘揚粵語文化凈係針對本地人,呢個就唔係弘揚,而係“塘水滾塘魚”,即係打飛機,喺度意淫自己嘅文化。試惗下,如果唔識粵語嘅人冇必要學粵語,噉直接後果係乜?就係廣州粵語嘅使用範圍會縮細;噉點弘揚粵語文化?噉係咪要減低非粵語族群嘅比例?噉何來包容?事實上包容同融入就係不可割裂嘅,如果你既要包容,但係你又唔使人哋融入,噉你就冇資格講咩“弘揚粵語文化”,因為用呢把尺去度,粵語文化係一定會萎縮嘅;而且呢啲人亦冇資格講包容,事關你係喺度包容緊外省人,但冇惗過非廣州籍嘅粵人都係有用粵語嘅權利。

總而言之,何以發微薄批評一間食肆都會引來某啲網民口誅筆伐?依本人愚見,講包容係假嘅,實際上係有啲人有斯德哥爾摩癥候群就真。

本文出自:http://blog.sina.com.cn/s/blog_68ede408010117gk.html

  评论这张
 
阅读(71)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2018