查看详情
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

我愛廣州!我愛80年代!

http://weibo.com/hilliam WeChat:kawe-low

 
 
 
 
 
 

睇返我嘅2012(大事記)

2013-2-27 1:52:47 阅读108 评论6 272013/02 Feb27

嘿嘿,由于某菲發咗篇2012年嘅總結,噉我都寫下啦睇返我嘅2012 - Kawei - 我愛廣州!我愛80年代!

2012年1月

         第二次花街正式完成,清貨系依然嘅事,可惜三日裏面節操跌落一地睇返我嘅2012 - Kawei - 我愛廣州!我愛80年代!,經典嘅桃花風車事件,車葉甩咗,乾脆攞502黐實,以成本價高少少嘅價錢賣出,都算有賺,最後分錢嘅依然系輝哥,圍觀數錢嘅依然系我哋,今年重要畀舊年第一次擺花街有進步,賺多60幾文,下年再接再厲啦.

                                                                         睇返我嘅2012 - Kawei - 我愛廣州!我愛80年代!

 

         每年嘅賀歲片都有婧賢嘅存在,但今年就比較特別得我哋兩個,皆因佢哋全部都去晒拜年,就系噉賀歲片成爲咗我哋兩個每年過年嘅必睇習俗,雖然每年賀歲都系鄭中基,吳君如呢啲舊面孔,但新年有得去電影院笑下開心下都唔錯.睇返我嘅2012 - Kawei - 我愛廣州!我愛80年代!

2012年2月

        法院請去廣州塔,都幾驚喜咖,廣州塔上去一次都幾貴,我諗如果唔系法院請可能都唔會上去玩啦,話晒喺法院走做咗差唔多兩年義工啦,我同VT都算資深+金牌義工實習生,所以請返一次去廣州塔都算系噉啦,最深刻嘅系我同VT同法院嘅人兩點上到去,但到最後得返我同VT等到8點睇晚夜景先走,其他人都走晒寶.

         之前成日都話去大伕山,今次終于去得成啦,一開始以爲啲景有幾靚,但其實系冇咩啲咖,不過勝在有你哋喺度,大家喘晒氣噉上斜坡,又嗌晒救命噉落坡,放風箏嘅時候放極都放唔起,放起咗大家又一齊翹綫,最後兩隻一齊跌落嚟,超抵死,要多謝某杰帶咗部單反去,第一次親身接觸到呢樣神器,畀我學到嘢,知道單反同傻瓜機畫質有咩區別.期待下一次嘅大伕山單車游+放風箏.

                                                                            睇返我嘅2012 - Kawei - 我愛廣州!我愛80年代!

 2012年3月

         過埋今個月白天鵝賓館就要停業裝修啦,而阿媽都退休啦,喺尾二嘅一日同阿媽去飲咗餐茶,都唔錯,告別一年逢年過節嘅外牆裝飾同聖誕節故鄉水橋上面參天嘅聖誕樹,希望快啲裝修好啦,我哋嘅童年回憶都喺度.希望裝脩好可以再同屋企人同朋友再喺聖誕樹下麵影相.

          舊年嘅3月8日你出現喺我麵前,由手抱大細嘅你到而家好似3Y咁高,多謝你喺呢一年嘅陪伴,帶畀我哋屋企嘅快樂,讓我哋見證你嘅成長,以後嘅日子重要你繼續畀歡樂我哋,我嘅愛犬甘仔.

          終于可以再食返澳門嘅安德魯葡撻啦,第一次同阿穎重有菲一齊去澳門,呢一次嘅旅程都系食爲主,但系好可惜嘅系由于關咗檔,所以食唔到豬扒包,帶住菲喺威尼斯人酒店見到人咁大嘅SABER,四條友試咗澳門嘅星巴尅,一齊試咗沙度娜嘅木糠佈甸,睇咗澳門嘅金荷花,見到麥當勞系繁體字,唔知點解覺得有種好似山寨嘅感覺.睇返我嘅2012 - Kawei - 我愛廣州!我愛80年代!

                                                                                   睇返我嘅2012 - Kawei - 我愛廣州!我愛80年代!

 

         嗯,睇嚟三月真系多事幹呢,上個月先睇完某杰嘅單反,今個月就同阿媽去香港入手啦,系我人生中第一部入門級專業相機,感覺好興奮,都要多謝老豆嘅出資.

2012年4月

              買咗單反之後就狂影,連之前最少嘅風景相嘅數量都迅速飆昇,開始不斷搵啲靜物嚟影,之後重唔夠拉埋菲一齊去咗沙麵狂影咗一輪,就連食飯時間都唔放過,第一次唱通宵K,多得3Y同某駿重有某婷一齊癲,嗰日唱到5點先走真先夠晒皮.

              HEY,HEY鐵達尼號上3D齊齊去懷緬N年前嘅感覺,時代變咗就有啲唔同,但唯獨唔變嘅就系JACK同ROSE講嘅一句you jump i jump,記得當年好想去電影院睇呢出戲,但最後睇唔成,估唔到15年后有你哋班摯友陪我一齊睇,感激遇到你哋.

                                                                         睇返我嘅2012 - Kawei - 我愛廣州!我愛80年代!

 

              再見啦越秀法院,實習期結束,真系有啲唔捨得,兩年裏面我喺度學識嘅嘢同兩年裏面各位法官教識嘅嘢我會好好記住,多謝你哋呢兩年嚟嘅照顧.

2012年5月

           復仇者聯盟,同婧賢一齊去睇,依然都系兩個人,最深刻嘅系臨開場嘅時候,當我哋擺好肢勢影相,手指撳落去相機嘅一刹那電影開始,全場關燈,最後我哋兩個得到嘅系一張全黑但有四塊眼鏡片反光嘅相,真系笑死,有會咁啱都有嘅.

                                                                      睇返我嘅2012 - Kawei - 我愛廣州!我愛80年代!
2012年6月
     只不過隔咗一個月,我同婧賢又踏足電影院啦,今次睇黑衣人3,一開始重擔心未睇過一同二劇情接唔上唔內容講咩,但后嚟都冇事,因爲呢出同之前兩出完全唔拉更嘅,而且最終要嘅就亙系補足之前嘅閤炤啦.
                                                                       睇返我嘅2012 - Kawei - 我愛廣州!我愛80年代!
 
    
2012年7月
       我哋嘅畢業旅行,喺菲嘅努力組織下終于可以實行啦,去嘅時候啱啱好系颱風時期,一路上我都好擔心會畀天氣影相成個旅游,但最後蒼天都算待我哋不薄,全程都冇點落雨,沙灘依然系夏天應該去嘅地方,而埋人成爲咗每次去沙灘都要必做嘅事,今次就系梁俊豪唔好彩啦,被人埋,而某鼠就畀人夾硬拖出公海,嚟到海邊餐飯當然都系海鮮多,食得都唔錯,佢哋重買咗啲同大樹菠蘿差唔多但又唔系嘅水果嚟食,當然味道系坑爹嘅.通宵嘅夜晚玩桌遊,最後4,5點,10嘅人攤尸甘攤系兩張牀上面,最後終于挨到就快日出,但系卻畀某+13告知太陽系山後面出嚟,又系阬爹嘅,最搞笑系椰子與垃圾桶,可憐嘅椰子先生畀某人丟落垃圾桶嘅時候卡系垃圾桶嘅口度遭圍觀,最後當然爆笑收場,返到廣州4點幾重未夠皮,直落夜晚飯先結束今次嘅旅程,希望以後我哋可以有多啲時間再去旅游啦.
                                                                          睇返我嘅2012 - Kawei - 我愛廣州!我愛80年代!
2012年8月
       8月基本冇咩特別嘅事情發生,行街食飯,依然有你哋,但系有一事要提嘅就系,大概呢次食飯系我最後一次見到某狼,希望佢哋嘅選擇系正確嘅,亦都希望佢哋日后可以搵到更加適閤自己嘅另一半.
               睇返我嘅2012 - Kawei - 我愛廣州!我愛80年代!
2012年9月
          以前總覺得同啲明星見面嘅遠望系冇辦法實現,但系自從某菲迷上某峯之后就開始見得多,今個月嘅專輯發售,當然有我陪佢去睇某峯啦,攝影師就系我,但由于反日游行簽名會差啲要夭折,不過最後幸運嘅都系可以攞到簽名CD.見到一個識咗咁耐嘅FRIEND攞住自己鍾意嘅嘢開心到紥紥跳,自己都好開心,下次有記得叫埋我去!睇返我嘅2012 - Kawei - 我愛廣州!我愛80年代!
 
2012年10月
         表姐結婚啦,由細玩到大如親家姐嘅佢結婚了,時間就好似過得特別快,諗返以前細個嘅事再諗返到而家佢搵到佢嘅所愛,一個佢可以付託終身嘅人,組織一個新嘅家庭,真系覺得時間過得好快,就恍惚系彈指間,我哋都長大,所有嘢都好似唔同,但同時又好似冇變,喺呢度我祝福佢哋倖福快樂.
        借住表姐結婚嘅契機,全家人一齊去咗湖南旅游,好耐都冇試過一家人齊娃娃噉出游,期待已久嘅張家界,同鳳凰古城,當然靚相唔少得,而且今次旅程提高咗我嘅攝影技能,真喺獲益良多!
2012年11月
        轉眼間我哋不知不覺都大學畢業,今次到3Y影畢業相,指定服飾系正裝,爆笑嘅江南style,各種抵死嘅肢勢,千連殺3Y,生意失敗嘅+13同某駿,最後當然要多謝3Y請嘅早茶!
              睇返我嘅2012 - Kawei - 我愛廣州!我愛80年代!                                 睇返我嘅2012 - Kawei - 我愛廣州!我愛80年代!
         期待已久嘅陳慧嫻演唱會今日終于睇到啦,多謝婧賢嘅撲飛,慧嫻唱嘅依然系經典,再加上大叫N聲慧嫻差唔多到聲沙,呢晚嘅演唱會真系好正.
        計下計下,離開41中已經9年時間啦,又到校慶時,總羡慕8班每次返去嘅同學都好多,之前每年都系得我一個返去,而且最挂念嘅班主任都缺席校慶活動,但今年唔同要多謝某菲,叫咗莫啓峯去,而且咁啱小敏開傢長會又見到期待已久嘅班主任啦,佢嘅教學風格依然冇邊,見到佢攞我做例子同其他家長講嘅時候感覺就好似返到初中時代噉,最後必不可少嘅就亙系返去南校睇下我哋以前活動過嘅地方啦,9班課室,8班課室,不銹鋼嘅凳,三星級嘅厠所,雖然9班同8班依然都系大門緊閉,但見到嘅時候腦海就不自然噉浮現出嘅畫面恍惚阻格重播嘅電影,我哋又系樓下嘅空地踢毽,雖然我哋都長大,唔再系初三嘅我哋,但嗰一刹那我哋就恍惚返到從前,恍惚我哋從未離開過.
                                                                       睇返我嘅2012 - Kawei - 我愛廣州!我愛80年代!
 
2012年12月
        12年嘅最後一日,一個似乎遺忘已久嘅人-張偉玲畀咗我同菲一個驚喜,2012-2013廣東衛視跨年晚會,佢做嘅娛樂公司有份參與,特登留咗兩張最靚嘅飛畀我哋,嗱,今次就冇攞錯啦睇返我嘅2012 - Kawei - 我愛廣州!我愛80年代!,一次過見到吳尅群,鄧麗訢,F.I.R,林峰,楊千嬅,呵呵,都唔錯,真系要多謝佢啦,唔經唔覺原嚟2012發生咗咁多事,2013期待我更精彩嘅我哋........................
 
 
 

作者  | 2013-2-27 1:52:47 | 阅读(108) |评论(6) | 阅读全文>>

查看所有日志>>

 
 
 
 
 
 
 
 

广东省 广州市 射手座

 发消息  写留言

 
歡迎光臨http://kawei.lofter.com/
 
近期心愿儲錢買微距鏡頭
博客等级加载中...
今日访问加载中...
总访问量加载中...
最后登录加载中...
 
 
 
 
 
 
 
 
 
 
 
 
 
 
 

页脚

网易公司版权所有 ©1997-2018

注册 登录  
 加关注